Vendemos unha espectacular casa na Mariña lucense, concretamente en San Xulián, no concello de Ribadeo!

Un lugar tranquilo, moi cerca das praias, envexado por moitos e ó alcance de moi poucos.

Está concretamente a 3 km do casco urbano de Ribadeo, a 1,5 km de Rinlo e a 4,4 km da praia das Catedrais. Só sabendo isto xa mola, verdade? Pois agardade...

Esta vivenda tan chula sitúase nunha parcela duns 4.748 metros cadrados e foi edificada no ano 2007.

A casa conta con 307 metros cadrados construídos, divididos en planta baixa (158 metros), andar superior (109 metros) e garaxe anexo (40 metros).

Queres saber como se distribúe?

Pois organízase da seguinte maneira:

Na planta baixa conta cunha cociña amoblada con despensa, un salón moi luminoso, catro dormitorios e dous baños totalmente equipados.

Na planta superior, un baño, catro dormitorios sen amoblar e un trasteiro grande. Esta planta da vivenda está sen estrear, xa que non foi usada ata o momento.

Tamén conta cun garaxe e un almacén, onde se sitúa a caldeira da calefacción e da auga quente.

O xardín diante da casa é ideal para descansar. Por detrás da vivenda, sendo unha zona máis reservada, conta cun tendedeiro, árbores frutais e mesmo sería unha idea marabillosa a instalación dunha piscina ou dunha zona de ocio.

Gustouche? Como vivenda de verán ou para disfrutar todo o ano?

Aproveita a ocasión e contacta con nós!

Debes saber que se encontra sen cargas e inscrita no Rexistro da Propiedade.