E a ti como che gustan as casas? Con xardín? No rural? Ou eres das que prefiren a cidade?

Vendemos esta fermosa vivenda de 254 metros cadrados no concello de Pol, en Lourixe, Hermunde.

Unha edificación que data de 1900, pero está ben coidada e conservada e está agardando a ser desfrutada por unha familia.

Conta cunha distribución tradicional de casa rural, unha cociña amoblada e amplia, unha saliña, con dúas despensas e con acceso ó garaxe na planta baixa. Na planta superior da vivenda sitúase un comedor, un baño completo e tamén os dormitorios.

Unha casa de pedra, con lousado novo e ventanas novas. Sen humidades e con terreo. Situada a escasos 5 minutos en coche de Mosteiro, onde  se encontran todos os servizos. Centro de saúde, bares, supermercados, bancos, residencia para maiores...

Da casa, destacamos a ubicación, nun entorno rural e tranquilo, con zona de lecer e descanso, con terreno para labradío e xardín.

Se che interesa, ponte en contacto con nós! É un lugar envexable e soñado por moitos.