Á venda fermosa casa tradicional anterior a 1900, situada nunha finca de 1.500 m² no corazón do rural lucense, nun contorno tranquilo e ben comunicado.

A vivenda conta con 317 m² construídos en dúas plantas, cuberta de pizarra e todo o encanto da arquitectura galega de pedra. Está amoblada e lista para entrar a vivir, aínda que precisa pequenas reformas que che permitirán adaptala completamente ao teu gusto.

Na planta baixa dispós dunha cociña de leña tradicional, con opción de ampliación para crear un gran salón-comedor luminoso e acolledor. Nas antigas cortes consérvase un forno de leña, ideal para rehabilitar e darlle unha nova vida. Na parte alta, varias habitacións confortables, unha delas pendente de mellora, ofrecen múltiples posibilidades.

Características destacadas:

• Finca de 1.500 m²
• 317 m² construídos
• Casa inscrita no Rexistro da Propiedade, libre de cargas
• Ventás de aluminio
• Cuberta de pizarra
• Sen calefacción
• Con auga e luz de alta
• Cociña de leña na cociña
• Forno de leña nas antigas cortes
• Amoblada

Unha oportunidade única para quen busque unha casa con carácter, ben situado e con moito potencial de rehabilitación, nun entorno rural, natural e tranquilo.